மா.அமரேசன்: விக்கரமசீலா பல்கலை கழகம்.

விக்கரமசீலா பல்கலை கழகம்.

பீகார் மாநிலம், பாகல்பூர் மாவட்டம், கால்கான் ஒன்றியத்திலுள்ள அந்திசாக் கிராமத்தில் அகழ்வாய்வின் போது கண்டறியப்பட்டது. இந்தப் பல்கலைகழகம், நேபாளப் வரலாற்றில் விக்கிரமசீலா பல்கலைக் கழகம் என அழைக்கப்படுகின்றது. இந்திய வரலாற்றில் இராஜ்கிரகா பல்கலைக் கழகம் என பதியப்பட்டுள்ளது. இது வஜ்ஜிராயான புத்தச் சமயத்தினருக்கான பல்கலைக் கழகமாக வரலாற்றில் பதியப்பட்டிருக்கின்றது.

இருப்பினும் நாளந்தா பல்கலைக் கழகமும், இந்த பல்கலைக் கழகமும் இனைந்தே செயல்பட்டிருக்கின்றது. நாளாந்தா பல்கலைக் கழகத்திலிருந்து உயர் கல்விக்காக மாணவர்கள், பிக்கு மறறும் பிக்குனிகள் இந்தப் பல்கலைக் கழகத்திற்கு வந்துள்ளதாக பதிவுகள் சொல்கின்றது.

வரலாற்றில் இந்தப் பல்கலைக் கழகத்தை அரசர் தர்மபாலா ஆதரித்து இருக்கின்றார். கி.பி. 8மற்றும் 9 ஆம் நுாற்றாண்டில் இந்தப் பல்கலைக்கழகம் துவங்கப்பட்டிருக்கலாம் என தகவல் சொல்கின்றது.

அமைப்பு

இந்தப் பல்கலைக் கழகம் 100 ஏக்கருக்கும் மேல் அமைந்திருக்கின்றது, தற்போது 26 ஏக்கர் அளவே அகழ்வாய்வு செய்யப்பட்டு மக்கள் பார்வையிட அனுமதிக்கப்படுகின்றது.

இதில் மாணவர்களுக்கான அறை, ஆசிரியர்களுக்கான அறை, பிக்கு மற்றும் பிக்குனிகளுக்கான அறை, புத்தரின் அஸ்தி, மற்றும் உயர் பிக்குகளின் அஸ்தி வைக்கப்பட்டுள்ள இடம் என வகைப்படுத்தப்பட்டிருக்கின்றது.

மேல்தளம் நான்கு சம கோணங்களாகப் பிரிக்கப்பட்டு, நான்கு ஸ்துாபங்கள் நிறுவப்பட்டுள்ளது. அதனின் கீழ் தளம் 6 கோணங்களாக பிரிக்கப்பட்டு சுடுமண் சிற்பங்கள் அதன் சுற்றுச்சுவரில் பதியப்பட்டிருக்கின்றது.

அதனின் கீழ் தளமோ ஐந்து சமகோணங்களாகப் பிரிக்கப்பட்டிருக்கின்றது. குடிநீர் தொட்டி, கல் ஜன்னல், போன்ற சிறப்பம்சங்களையும் காண முடிகின்றது.

கார்த்திகேயன், நடராஜர், பார்வதி, கிருஸ்ணன், மற்றும் சுதாமா ( குசேலன்), தாரா, புத்தர், அஸ்வகோசர், நவக்கிரகம் போன்ற கற்சிலைகளும், சுடுமண் சிற்பங்களும் இதன் அருகில் உள்ள அருங்காட்சியத்தில் வைக்கப்பட்டுள்ளது.

புத்தச் சமய ஆர்வலர்கள் அவசியம் காண வேண்டிய இடங்களுள் ஒன்று. விக்கிரமசீலா பல்கலைக் கழகம்.

கீழே உள்ள படங்கள் அருங்காட்சியகத்தில் உள்ள படங்கள்.